AzFakt.com "Xəzər Xəbər"ə istinadla xəbər verir ki, bəzi çörək zavodları vətəndaşları aldadır. Çörəyin faktiki çəkisi etiketdə göstərilənlə eyni deyil.

Vətəndaşlar dəfələrlə bu halla raslaşdıqlarını və bu vəziyyətdən narazı olduqlarını dilə gətiribər. 

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən isə bildirilib ki, çörəyin faktiki çəkisinin etiketdə göstərilən çəkidən az olması barədə vətəndaşlardan xeyli müraciət daxil olub. Araşdırma nəticəsində bəzi istehsalçıların istehlakçını çəkidə aldadıldığı müəyyən edilib.

Qeyd edək ki, istehlakçıların aldadılmasına görə fiziki şəxslər 350-500 manat, vəzifəli şəxslər 1 500-2 000 manat, hüquqi şəxslər isə 4 000-6 000 manat inzibati qaydada cərimə edilir.